O Tannenbaum . . .
wie grün sind Deine Blätter.
Du grünst nicht nur zur Sommerzeit
nein, auch im Winter, wenn es schneit.
O Tannenbaum, o Tannenbaum . . .
Wenn ma des Buidl schaugt o,
siehgt ma de groußn Kerzn dro.
De Äst stengan weg wia bei a’m Tannabaam.
I ko ma vorstelln, dass Kastanien- und Tannabaam Gschwista san.
Wia i des Foto hob gmacht,
hob i glei an Weihnachtn dacht.
Jetzat hobn ma erst den Monat Mai.
In 7 Monat is Weihnachtn scho fast wieda vorbei.
Do steht dann da Tannabaam oiwei no im Zimma drin.
De Kastanienkerzn tean scho lang nimma blühn.
De Kastanienbaam datn scho no steh,
aba nackat san s’ net so schee.
I hob Eich extra des scheene Buidl gmacht,
damit Ihr’s oschaugn könnts, de ganz Pracht,
bei Tag und bei Nacht.
Gedicht und Foto: Marga Leingartner
