Ein Gedicht von Marga Leingartner aus Rosenheim
Der Bärlauch – ein Allrounder
I hob neili an Bärlauch gsehgn.
Der is scho ganz groß gwen.
Am Woidrand hobn i dawischt.
Do is er massenhaft aussizischt.
Am liabstn hätt i oi’s obgmaht.
Hob aba leida koa Sans dabei ghabt.
A Rasnmäha war aa net zur Stell.
Jetzt hobn i händisch pflücka müassn, d.h. manuell.
Da Bärlauch is gsund.
Do kimmt ma net aufn Hund.
Er is aa gega Corona guat,
wenn ma’n richti owendn tuat.
I tua bloß no an Bärlauch essn,
dann ko i Corona ganz vagessn.
I hauch de Leit gscheit o:
Dann laffans olle glei davo.
Des solltn ma olle toa,
net bloß i alloa!
De Inzidenzzahln tatn sinkn.
Koan Coronakrankn kannst mehr findn.
De Politik kannt si de Masknpflicht a’n Huat stecka.
An Corona werd Dank Bärlauch koana mehr varecka.
Des waar schee!!! Corona ade!!!
Gedicht und Foto: Marga Leingartner
