Schneeradl – ein Gedicht zum April-Wetter von Marga Leingartner, Rosenheim
Am Dienstog siehg i auf oamoi zwoa Radl steh,
so weiß wia Schnee, wundaschee.
Am liabstn hätt i oans gnumma.
Wahrscheinli waar i net weit damit kumma.
Scho beim Losfahrn bleibat i dro pappa
mit beide Händ und beide Backa.
I tua nimma so vui Hitzn hobn,
dass Schnee und Eis laffan davon.
Hob dacht, i glaab, i lass’s liaba steh,
sunst muaß i damit no ins Bett geh.
Bessa, i loss de zwoa Radl do.
Zum Schluss ghörns de Eskimo.
De vertrogn bessa Schnee und Eis.
Dagegn bin i a boarischa Preiss.
Gedicht und Foto: Marga Leingartner
