Allgemein

Schnee in Mallorca – ein Gedicht

Winterfreuden auf Mallorca ?

Wega’m Schnee is bestimmt Koana auf Mallorca gflogn.
Den ko ma bei uns dahoam öfta und vui billiga hobn.
Manchmoi braacht ma bloß vor d’Haustür geh
und scho is ma mittn drinn im Schnee.

Mia dahoam san aus-gstatt mit warme Sacha.
A plötzliche Kältn tuat uns net vui ausmacha.
Wintastiefe und warme Mäntel, ois is parat.
I glaab net, dass irgendoana an Handschuah auf Mallorca mitgnomma hot.

De Urlauba könnan jetzt am weißn Schneestrand spaziern
oder am bestn im Meer drinna flaniern.
I ko ma vorstelln, dass des Wassa wärma is ois d’Luft.
Do brauchan s’ net amoi a Badekluft.

Zum Abfrischn brauchan s’ bloß ins Freie geh.
Wia in da Sauna, is es net schee?
Aufpassn müassn s’, dass s’ net mit de Zehan fest friern,
und dabei eahna Hornhaut valiern.

Sportgschäfta taatn an Haufa Absatz macha
mit oite, ausrangierte Wintasacha.
De Urlauba werdn net am Geld sparn.
Hauptsach, si fühln sich warm.

Steppjackn taatn wia warme Semmeln weg geh
und vielleicht aa etliche Langlaufschi.
Mit dene könnan s’ am Schneestrand entlang marschiern
und dabei des höchste Gschau kriagn.

Sowas is in Mallorca no nia do gwesn.
Do ko ma an Ballermann ganz vagessen!

Gedicht und Foto: Marga Leingartner

Redaktion

Anton Hötzelsperger

Als freier Journalist bin ich bereits seit vielen Jahren mit der täglichen Pressearbeit für die Region Chiemsee, Samerberg und Oberbayern befasst. Mit den Samerberger Nachrichten möchte ich eine Plattform bieten für Beiträge aus den Bereichen Brauchtum, Landwirtschaft, Tourismus und Kirche, die sonst vielleicht in den Medien keinen breiten Raum bekommen würden.

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Samerberger Nachrichten

Beiträge und Fotos sind urheberrechtlich geschützt!