GEDANKEN ZUR NATUR UND ZUR AKTUELLEN ZEIT – von Marga Leingartner
A Drunta und a Drüba
Neili bin i a’m Heiberg gwen,
Do tuats scheene Wurzlwerke gebn.
Wenn ma si de Geflechte schaugt o,
Siehgt ma: Oana hängt am andan dro.
Da Sturm kennt koa Pardon.
Der blost ois, wos eahm im Weg seht, einfach um.
De Baam san bsundas arm dro,
weils net kennan laffa davo.
Wenn dann Oana den Andan auslassn tuat,
Des is für eahm selba net guat.
Do is er dann selba dro,
weil eahn da Nachbar nimma hoitn ko.
Fest zsammahoitn im Lebn, des is wichtig!
De Baam hobn des längst vastandn und machans richtig.
Gedicht und Foto: Marga Leingartner, Rosenheim
