Diebstahl?
Vor paar Tog hob i vo oana Wiesn an Groshoim mitgnumma.
Guat, dass koana is daher kumma.
Wenn da Baua mi hätt dawischt,
hätt er mia bestimmt oane zischt.
Weil i hob mi traut
und vo da Wiesn an Grosstengl klaut.
I hob des gmacht, weil i woit mit meine Augn
des Wundawerk genau oschaugn.
So hob i’s gegan Himme hoitn kenna.
Do siehgt ma de Einzelheitn vui scheena.
Des müasst’s aa macha – unbedingt!
Dann sehgt’s, wos des Natur ois hervor bringt.
A Gros aus da Nochan is wirkli schee!
Do werdn Eich d’Augn aufgeh.
Aba lassts Eich vom Baua net dawischn beim Klaun,
Sunst tuat er Eich womögli oane obi haun.
Gedicht und Foto: Marga Leingartner